香港本地酒店員工爆料：7大酒店猛鬼實錄
1. 沙田酒店CCTV見「有人」尾隨保安
沙田某酒店（在火車站附近）有晚保安部有3個同事返通宵更，其中一個去了巡樓，主管跟另一同事則在保安室，突然主管在CCTV見有人尾隨巡樓的同事，便以對講機問巡樓同事：「點解有人跟住你嘅？」同事擰轉身望了望答道：「冇人呀！」主管聽後大驚，馬上叫同事回到保安室。
在CCTV看見了不該看到的人？（圖片來源：unsplash@dannylines）
2. 深夜「女工」入房打掃
有一個日本客入住了在銅鑼灣和灣仔交界的一間酒店，晚上有人叩門，開門後見是「女工」說來打掃房間，日本客不以為意，便讓她入房，打掃時，突然見「女工」穿過玻璃抹窗，嚇得日本人立即衝到前台大喊有猛鬼，並要求換房。
晚上應該不會有員工進來清潔房間吧…（圖片來源：GoTrip編輯部）
3. 吊頸位置特別昏暗
話說九龍區某酒店曾有住客在房間近洗手間位置吊頸自殺，之後某一天入住該房間的住客打電話到前台表示，房間某位置特別昏暗，同事以為是燈壞了，便派工程部同事上房，工程部同事一眼望入去見房間內燈光通明沒有問題，住客說：「好奇怪，係企喺我呢個位望出去先特別昏暗喎！你過嚟呢個位望下。」住客企的那個位正正是自殺住客吊頸的位置，同事立即說：「啊，可能是燈壞了，我幫你換掉吧！」心想其實可能是那個位「有嘢」擋了光吧！